Pedro de Escobar: Motets, Hymns and Missa pro defunctis

Deus, tuorum militum sors et corona, præmium, laudes canentes martyris absolve nexu criminis. Hic (Hæc) nempe mundi gaudia et blandimenta noxia caduca rite deputans, pervenit ad cælestia. Pœnas cucurrit fortiter et sustulit viriliter; pro te refundens sanguinem, æterna dona possidet. Ob hoc precatu supplici te poscimus, piissime; in hoc triumpho martyris dimitte noxam servulis. Ut consequamur muneris ipsius et consortia, lætemur ac perenniter iuncti polorum sedibus. Laus et perennis gloria tibi, Pater, cum Filio, Sancto simul Paraclito in sæculorum sæcula. Amen